ՌԴ Պետդումայի միջազգային հարցերով կոմիտեի նախագահ Լեոնիդ Սլուցկին ակնկալում Է, որ Հայաստանի վարչապետի պաշտոնում Նիկոլ Փաշինյանի ընտրվելուց հետո Ռուսաստանի եւ Հայաստանի դաշնակցային հարաբերությունները կպահպանվեն ու կզարգանան, հայտնում է ՏԱՍՍ-ը:
«Փաշինյանին Հայաստանի վարչապետ ընտրելը, անշուշտ, այդ երկրի ներքին գործն Է: Մեր կողմից մենք ակնկալում ենք մեր երկկողմ հարաբերությունների պահպանում և ամրապնդում, ռազմավարական գործընկերության ուղեգծի շարունակում, ԵԱՏՄ-ի եւ ՀԱՊԿ-ի շրջանակներում փոխգործակցության զարգացում»,-մայիսի 8-ին լրագրողներին հայտարարել Է Սլուցկին:
Նրա խոսքով՝ «դրա հույսը տալիս Է նախեւառաջ հայկական կառավարության նոր ղեկավարի դիրքորոշումը, որը հավաստիացրել Է, որ Երեւանի համար գերակա են մնում դաշնակցային հարաբերությունները Մոսկվայի հետ»: «Ռուսաստանը եւ Հայաստանը պատմականորեն միասին են եղել, միասին Էլ կերտելու ենք մեր ապագան»,-ընդգծել Է Լեոնիդ Սլուցկին:
