Ռուսաստանի նախագահ Վլադիմիր Պուտինը շնորհավորել է Նիկոլ Փաշինյանին Հայաստանի Հանրապետության վարչապետի պաշտոնում ընտրվելու կապակցությամբ եւ հաջողություններ է մաղթել այս պատասխանատու պաշտոնում:
Կրեմլի մամուլի ծառայությունը հաղորդում է, որ հեռախոսազրույցի ընթացքում Պուտինը եւ Փաշինյանը միմյանց շնորհավորել են առաջիկա Հաղթանակի օրվա կապակցությամբ:
Նշվել է հայ-ռուսական ավանդական բարեկամական եւ դաշնակցային հարաբերությունների հետագա ամրապնդման համար փոխադարձ պատրաստակամությունը: Կողմերը շեշտել են բազմակողմ եւ ինտեգրացիոն միավորումներում գործընկերության փոխգործակցության պատրաստակամությունը՝ նախ եւ առաջ Եվրասիական տնտեսական միության եւ Հավաքական անվտանգության պայմանագրի կազմակերպության շրջանակում:
