Հայ-ռուսական հարաբերություններում սպասում ենք միայն դրական զարգացումներ: Այս մասին, այսօր՝ մայիսի 9-ին, Ստեփանակերտում լրագրողների հետ հանդիպման ժամանակ նշել է ՀՀ վարչապետ Նիկոլ Փաշինյանը:
Նա հիեցրեց, որ նախօրեին ՌԴ նախագահ Վլադիմիր Պուտինի հետ ունեցել է կարեւոր հեռախոսային խոսակցություն. «Մենք պայմանավորվեցինք այն շարունակել մայիսի 14-ին Սոչիում ԵՏՄ գագաթաժողովի շրջանակներում: Ես արտահայտել եմ մեր դիրքորոշումը, որ հայ-ռուսական ռազմավարական, դաշնակցային հարաբերությունները պետք է խորանան եւ զարգանան, նաեւ ԵՏՄ եւ ՀԱՊԿ շրջանակներում:
Իհարկե, մենք պետք է մտածենք մեր անդամակցությունն այդ կազմակերպություններին ավելի արդյունավետ դարձնելու վերաբերյալ: Նկատի ունեմ, որ ապրանքաշրջանառությունը պետք է մեծանա այնպիսի ծավալներով, որ դրա արդյունքները տեսանելի լինեն նաեւ ՀՀ քաղաքացիների համար՝ տնտեսության նոր մակարդակի ձեւով»,-հայտարարեց Փաշինյանը: