Արցախի միջազգային ճանաչման լավագույն միջոցներից մեկը Արցախի խնդրի էության ներկայացումն է միջազգային հանրությանը: Այս մասին, այսօր՝ մայիսի 9-ին, Ստեփանակերտում լրագրողների հետ հանդիպման ժամանակ նշել է ՀՀ վարչապետ Նիկոլ Փաշինյանը:
«Կա հստակ ցուցիչ. Օրինակ այստեղ լրագրողը հարց է տալիս եւ ասում՝ տարածքի համար հակամարտություն: Մենք երկար բանակցային տարիների ընթացքում կարծես ինչ-որ մի տեղ համարել ենք, թե միջազգային հանրությանն արդեն պարզ է, թե որն է խնդրի էությունը: Բայց շատ կարեւոր է, որ նոր ջանքեր գործադրենք խնդրի էությունը ներկայացնելու համար»,-ասաց նա:
Փաշինյանը նկակեց, որ հատկապես, որ 2016-ին ադրբեջանական կողմը նոր վայրագություններով հանդես եկավ. «Այդ վայրագությունների մեջ արտահայտվում է Արցախի հարցի էությունը: Հակամարտությունն սկսվել է այն պահից, երբ Արցախի ժողովուրդն այդ վայրագություններից պաշտպանվելու անհրաժեշտություն է ունեցել: Այստեղ տարածքը որեւէ կապ չունի»:
