Իրանական միջուկային համաձայնագրից դուրս գալու մասին ԱՄՆ նախագահ Դոնալդ Թրամփի որոշումը լուրջ սխալ է: Այս մասին CNN-ի հետ հարցազրույցում ասել է ԱՄՆ նախկին նախագահ Ջիմի Քարթերը: «Սա ամենավատ սխալն է, որը Թրամփը երբեւէ կատարել է»,- ասել է նա:
«Երբ նախագահը համաձայնագիր է ստորագրում, այն պետք է պարտադիր լինի նրա բոլոր հետնորդների համար, եթե իրավիճակը կտրուկ չփոխվի»,- կարծում է Քարթերը: Նրա խոսքով՝ Թրամփի որոշումը ազդանշան է Հյուսիսային Կորեային այն մասին, որ ԱՄՆ-ն, համաձայնագիր ստորագրելով, կարող է այն հարգել, կարող է եւ չհարգել:
