Գերմանիայի կանցլեր Անգելա Մերկելը եւ Ֆրանսիայի նախագահ Էմանուել Մակրոնն ապասրման կոչ են արել Մերձավոր Արեւելքում այն բանից հետո, երբ Իսրայելը գնդակոծման ենթարկեց Սիրիայիում տեղակայված իրանական ռազմական օբյեկտները, փոխանցում է AP-ն:
Մերկելը եւ Մակրոն հանդիպել են Աախենում, որտեղ Ֆրանսիայի նախագահին մրցանակ է շնորհվել եվրոպական միասնության մեջ իր ներդրման համար:
Մերկելը հայտնել է, որ Մակրոնի հետ քննարկել է Մերձավոր Արեւելքում տեղի ունեցած զարգացումները: Կողմերը «տարածաշրջանում հավասարակշռության եւ ապասրման» կոչ են արել: Մերկելը հիշեցրել է, որ Բեռլինն ու Փարիզն աջակցում են Իրանի միջուկային համաձայնագրին: «Մենք ծայրահեղ ծանր իրավիճակի ենք բախվում: Վերջին մի քանի ժամերի սրումը ցույց է տալիս, որ սա իսկապես պատերազմի եւ խաղաղության հարց է, եւ ես կոչ եմ անում բոլոր կողմերին զսպվածություն ցուցաբերել»: