Շիկահերները, ինչպես ցույց են տվել փորձի արդյունքները, ոչ միայն հիմար չեն, քան այլ գույնի մազեր ունեցող կանայք, այլեւ հաճախ ավելի խելացի են իգական սեռի մյուս ներկայացուցիչներից: Տարբերությունը, սակայն, այնքան էլ նշանակալի չէ, գրում է Planet-Today-ը:
«Շիկահերների մասին կարծրատիպերը, ինչը մենք ստիպված ենք մեծ ափսոսանքով ընդունել, դեռեւս բավական արմատավորված են ժամանակակից մարդկանց գիտակցության մեջ: Եվ դա շատ ավելի վտանգավոր երեւույթ է, քան առաջին հայացքից կարելի է պատկերացնել: Շիկահերները, մասնավորապես, աշխատանք գտնելու, կարիերայի առաջխաղացման եւ այլ հարցերում դժվարությունների են հանդիպում», - ասում է գիտական աշխատանքի առաջատար հեղինակ, դոկտոր Ջեյ Զագորսկին:
Գիտնականները փորձի ժամանակ համեմատել են տարբեր մազերի գույն ունեցող կանանց ինտելեկտուալ գործակիցները: Պարզվել է, որ շիկահերենրի միջին IQ-ն 103.2 միավոր է: Շագանակագույն վարսերի տեր կանանց IQ- ն 102.7 միավոր է: Շիկակարմիր եւ սեւ գույնի մազերով կանանց IQ-ն համապատասխանաբար 101.2 եւ 100.5 միավոր է:
