Հայաստանի նորընտիր վարչապետ Նիկոլ Փաշինյանի հայտարարությունը ղարաբաղյան կարգավորման հարցի վերաբերյալ վկայում է այն մասին, որ Երեւանը փոքր-ինչ խստացնում է իր դիրքորոշումը: Այս մասին «Արդյո՞ք Արցախը կվերադառնա բանակցայի սեղանին. իրադարձությունների հնարավոր զարգացումը ղարաբաղյան հակամարտության կարգավորման գործընթացի շուրջ» թեմայով քննարկման ժամանակ այս մասին ասաց «Մոդուս Վիվենդի» հետազոտական կենտրոնի ղեկավար Արա Պապյանը:
Միեւնույն ժամանակ, Պապյանը նշեց, որ Փաշինյանի հայտարարությունները գործնականում որեւէ արդյունք չեն ունենա, քանի որ ակնհայտ է, որ Ղարաբաղը չի կարող վերադառնալ բանակցությունների սեղանին: «Դրան չի համաձայնի ո՛չ Բաքուն, ո՛չ էլ ԵԱՀԿ Մինսկի խմբի համանախագահները: Երբ մենք խոսում ենք վերադարձի մասին, մենք զբաղվում ենք ինքնա: Ղարաբաղը երբեք չի եղել բանակցային սեղանի շուրջ, անգամ՝ ճանաչված անկախ պետության կարգավիճակում»,- նշեց փորձագետը:
Բացի այդ, Արա Պապյանը շեշտեց, որ նորընտիր վարչապետի հայտարարություններն այն մասին, որ իրենք կանեն ամեն հնարավոր բան, որպեսզի ԼՂՀ-ն միջազգային հանրության կողմից ճանաչվի որպես ինքնիշխան պետություն, նույնպես հեռու են իրականությունից, քանի որ դրա համար Ղարաբաղը պետք է ապրիորի ունենա այդ անկախությունը: Իսկ Ղարաբաղը, ըստ քաղաքագետի, չունի նման ինքնիշխանություն, քանի որ այն մեծապես կախված է Հայաստանից:
«Անկախություն նշանակում է ոչ միայն անկախություն Ադրբեջանից, այլ նաեւ՝ անկախություն Հայաստանից: Ակնհայտ է, որ դա այդպես չէ: Ասեմ ավելին՝ դե յուրե Ղարաբաղը Հայաստանի մի մասն է՝ անձնագրերից մինչեւ բյուջե»,- ընդգծեց Արա Պապյանը:
Փորձագետը կարծում է, որ կարելի է անել ցանկացած հայտարարություն, սակայն պետք է շարունակել բանակցային գործընթացը, քանի որ դա անհրաժեշտություն է: Այնուամենայնիվ, քաղաքագետը համոզված է, որ Ղարաբաղի խնդրի՝ բանակցությունների միջոցով լուծման տարբերակ չկա, այն, ըստ վերջինիս, կարող է տեղից շարժվել միայն Հայաստանի ամրապնդման եւ Ադրբեջանի թուլացման միջոցով:
Հիշեցնենք, որ Լեռնային Ղարաբաղ կատարած այցի ընթացքում Հայաստանի նորընտիր վարչապետ Նիկոլ Փաշինյանը հայտարարել էր, որ Հայաստանը կաջակցի ԼՂՀ անկախության ճանաչմանը միջազգային հանրության կողմից: Նա ընդգծել էր, որ բանակցային գործընթացը՝ առանց դրանում ղարաբաղյան կողմի մասնակցության, անարդյունավետ կլինի:
