Ազգային ժողովի նախագահ Արա Բաբլոյանն այսօր՝ մայիսի 11-ին, ստորագրել է Աղվան Վարդանյանի պատգամավորական լիազորությունները դադարեցնելու վերաբերյալ արձանագրությունը:
«Հիմք ընդունելով պատգամավորի հրաժարականի մասին դիմումը և առաջնորդվելով «Ազգային ժողովի կանոնակարգ» Հայաստանի Հանրապետության սահմանադրական օրենքի 154-րդ հոդվածի 1-ին մասի 6-րդ կետի պահանջով` դադարած համարել ՀՅԴ համապետական ընտրական ցուցակով ընտրված պատգամավոր Աղվան Վարդանյանի` պատգամավորի լիազորությունները»,- ասված է ԱԺ նախագահի ստորագրած արձանագրությունում:
Ավելի վաղ NEWS.am-ը հայտնել էր, որ Աղվան Վարդանյանը մայիսի 1-ին ԱԺ-ում վարչապետի ընտրությունների ժամանակ չի քվեարկել Նիկոլ Փաշինյանի օգտին, թեեւ հար ՀՅԴ-ի որոշումը՝ կողմ քվեարկել: Դրանից հետո նա պատգամավորական մանդատը վայր դնելու մասին դիմում է ներկայացրել ԱԺ նախագահին: Ավելի ուշ Աղվան Վարդանյանը հեռացվեց նաեւ Դաշնակցության շարքերից:
