Իլոն Մասկի SpaceX ընկերությունը մայիսի 12-ին է նշանակել Falcon 9 արդիականացված հրթիռի արձակումը, որը հագեցած է նոր բազմակի օգտագործման արգացուցիչ բլոկով, փոխանցում է «Վեդոմոստին»:
Հրթիռի հենց այս տարբերակը՝ Falcon 9 Block 5, պետք է կայուն հրթիռակիր դառնա կոմերցիոն արձակումների մեծամասնության համար. բազմակի օգտագործման «արագացուցիչը» եւ բարեփոխված բազմակի օգտագործման առաջին աստիճանը կարող են այն զգալիորեն էժանացնել, հայտնում են ամերիկյան լրատվամիջոցները:
Ի սկզբանե հրթիռի նոր մոդիֆիկացիայի մեջ դրված էր 10 արձակման ռեսուրս՝ սա մեծ առաջընթաց էր ինչպես տեխնոլոգիական, այնպես էլ հատկապես տնտեսական տեսակետից, նշում են մասնագետները:
The Wall Street Journal-ը հայտնում է, որ «Մասկը ձգտում է, որպեսզի հրթիռի հնարավորինս շատ բաղադրիչներ լինեն բազմակի օգտագործման, քանի որ դա թույլ կտա արձակման ինքնարժեքն էապես նվազեցնել»: Նրա հաշվարկով՝ հիմա Falcon 9 հրթիռի մեկ արձակումն արժե 50-60 մլն դոլար, սակայն հաջող բազմակի օգտագործման դեպքում կկրճատվի մինչեւ 5 կամ 6 մլն դոլար: Եթե իրականում նման արժեքի հասնեն, SpaceX-ը ռեալ մրցակիցներ չի ունենա:
Ծրագրվել էր, որ Ֆլորիդայի Կանավերալ հրվանդանում գտնվող տիեզերակայանից արձակումը կատարվելու էր նախօրեին, սակայն այն հետաձգել էին տեխնիկական անսարքությունների պատճառով: Հրթիռն ուղեծիր է դուրս բերելու Բանգլադեշի առաջին բարձրուղեծրային հեռահաղորդակցային «Բանգաբանդու-1» արբանյակը:
Մասկը վերջերս հայտարարել էր, որ արդեն 2018-ին SpaceX-ն «ավելի շատ հթիռներ կարձակի, քան որեւէ երկիր»: