Ամերիկյան SpaceX ընկերությունը Ֆլորիդայի նահանգի Կանավերալ հրվանդանի տիեզերակայանից իրականացրել Falcon 9 հրթիռակրի արձակումը՝ բանգլադեշյան հեռահաղորդակցային արբանյակ Bangabandhu-ով, փոխանցում է ՏԱՍՍ-ը:
Արձակման հեռարձակումը կատարվել է ընկերության կայքում:
Մեկնարկը սկսվել է ԱՄՆ Արեւելյան ափի ժամանակով 16:14-ին: SpaceX-ն առաջին անգամ արձակել է նոր Block 5 արագացուցիչ բլոկով հրթիռակիր: Ընկերության տվյալներով՝ այն նախատեսված է 10 կամ ավելի արձակումների համար, տարբերվում է նաեւ մեծ հուսալիությամբ:
Արձակումից մոտ 30 րոպե անց կապի Bangabandhu արբանյակը հայտնվել է երկրաստացիոնար ուղեծրում: Այն նախատեսված է Բանգլադեշի, Հնդկաստանի, Բութանի, Շրի Լանկայի, Ֆիլիպինների եւ Ինդոնեզիայի գյուղական շրջանների հեռարձակմման եւ հեռահաղորդակցային ծառայությունների ապահովման համար:
Արբանյակը կառուցել է ֆրանս-իտալական Thales Alenia Space ընկերությունը, որի շահագործման տեւողությունը կազմում է 15 տարի: Սարքի օպերատորն է Bangladesh Communication Satellite Company ընկերությունը: