ՀՀ նախագահ Արմեն Սարգսյանի հրամանագրով Արթուր Գրիգորյանը նշանակվել է ՀՀ էներգետիկ ենթակառուցվածքների եւ բնական պաշարների նախարար:
ՀՀ նախագահի հրամանագրում, մասնավորապես, ասվում է.
«Հիմք ընդունելով վարչապետի առաջարկությունը` համաձայն Սահմանադրության 150-րդ հոդվածի.
Արթուր Գրիգորյանին նշանակել էներգետիկ ենթակառուցվածքների եւ բնական պաշարների նախարար:
Կենսագրական տվյալներ
Արթուր Գրիգորյանը ծնվել է 1969 թվականին Բջնիում:
Կրթություն
1990-1995 թթ. սովորել եւ ավարտել է ԵՊՀ իրավաբանական ֆակուլտետը:
Աշխատանքային գործունեություն
1987-1989 թթ. - ծառայել է Խորհրդային բանակում:
1992-1999 թթ. - Հրազդանի շրջանային ժողովրդական դատարանի դատական տեսուչ, այնուհետեւ՝ գրասենյակի պետ։
1999-2007 թթ. - ՀՀ արդարադատության նախարարության դատական ակտերի հարկադիր կատարումն ապահովող ծառայության Կոտայքի մարզային բաժնի պետ։
2007-2008 թթ. - ՀՀ վերահսկիչ պալատի իրավաբանկան վարչության բաժնի պետ, ապա՝ երրորդ վարչության պետի տեղակալ։
2008-2010 թթ. - ՀՀ վերահսկիչ պալատի ութերորդ վարչության պետ։
2010 թ. հունիսի 28-ին ՀՀ Նախագահի հրամանգրով նշանակվել է ՀՀ աշխատանքի եւ սոցիալական հարցերի նախարար[1]՝ պաշտոնավարելով մինչեւ 2012 թ. հունիսի 16-ը։:
2006 թվականից ԲՀԿ անդամ է, ԲՀԿ քաղաքական խորհրդի անդամ։
Պարգեւներ եւ կոչումներ
ՀՀ Նախագահի շնորհակալագիր (2009)։
Արդարադատության փոխգնդապետ:
Ամուսնացած է, ունի երկու զավակ։