Մեծ Բրիտանիան մտադիր չէ Իսրայելում իր դեսպանությունը տեղափոխել Երուսաղեմ եւ նախկինի պես համաձայն չէ ԱՄՆ-ի որոշման հետ: Այս մասին հայտարարել է Մեծ Բրիտանիայի վարչապետ Թերեզա Մեյի ներկայացուցիչը, փոխանցում է Reuters-ը:
Նշենք, որ այսօր Երուսաղեմում տեղի կունենա ԱՄՆ դեսպանատան բացումը, որն ընթանում է Իսրայելի եւ Գազայի հատվածի սահմանին պաղեստինցիների մասնակցությամբ բողոքի ցույցերի ֆոնին: Տարբեր աղբյուրների համաձայն՝ իսրայելական կողմից գնդակոծման արդյունքում 2-ից 7 պաղեստինցի սպանվել է, հարյուրավոր մարդիկ վիրավորվել են: