News
Լրահոս
News
Հինգշաբթի
Օգոստոս 16
Տեսնել լրահոսը

Վերջին օրերին Վրաստանը բախվեց քաղաքական եւ վարչական գործողությունների լիակատար տապալման հետ: Այս մասին հայտարարել է Վրաստանի նախագահ Գեորգի Մարգվելաշվիլին՝ կապված Թբիլիսիում գիշերային ակումբներում ոստիկանական շուրջկալներից հետո բողոքի ցույցերի հետ, փոխանցում է «Գրուզիա օնլայնը»:

Նա հարց է հնչեցրել, թե իշխանություններին ինչպես հաջողվեց մի քանի ժամում քաղաքացիական դիմակայության հասնել: «Բնականաբար, այս հարցերը շատ ուղիղ պատասխանների կարիք ունեն: Ինչպե՞ս կարելի է մի քանի ժամում այնպես անել, որ հասնեք քաղաքացիական դիմակայության գրեթե սահմանին: Համապատասխանաբար մեր նպատակը եղել եւ մնում է խոսքի ու արտահայտվելու ազատության պահպանումը, միեւնույն ժամանակ, կարգի պահպանումը՝ ինչպես մայրաքաղաքի փողոցներում, այնպես էլ հասարակական-քաղաքական գործընթացում»,- հայտարարել է Մարգվելաշվիլին՝ շնորհակալություն հայտնելով ցույցերի անվտանգությունն ապահոված ոստիկաններին:

Ուրբաթ «Բասիանի» եւ «Գալերի» գիշերային ակումբներում հատուկ գործողության դեմ սկսված ակցիան շարունակվել է 2 օր: Մասնակիցները պահանջել են Վրաստանի ՆԳ նախարարի եւ վարչապետի հրաժարականը: Նրանց գլխավոր պահանջն ուղղված էր թմրաքաղաքականության բարեփոխմանը եւ բռնության դեմ: ՆԳ նախարարը դիմել է ցուցարարներին եւ ներողություն խնդրել, ինչպես նաեւ խոստացել է, որ կպատասխանի ցուցարարների բոլոր հարցերին: Ցուցարարները ցրվել են նախարարի հետ համաձայնության հասնելուց հետո: «Սպիտակ աղմուկ» շարժումը խոստումները կատարելու համար իշխանություններին ժամկետ է տվել մինչեւ շաբաթվա վերջ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ցիանիդի գործով դատապարտված վրացի հոգեւորականը նախագահից ներում է հայցել
Վրաստանի նախագահը կունենա ամբողջ տեղեկատվությունը, որը նրան թույլ կտա օբյեկտիվ որոշում ընդունել…
NDI-ում Մարգվելաշվիլիին կոչ են արել հայտնել նախագահական ընտրությունների ժամկետը
Նախագահին վերջին անգամ կընտրեն համընդհանուր քվեարկության միջոցով և վեց տարի ժամկետով․․․
Վրաստանի կառավարությունը երկու փոխվարչապետ կունենա
Հիմա Վրաստանի կառավարությունում 13 նախարարի փոխարեն կա միայն 10 նախարար եւ մեկ պետնախարար…
Վրաստանի վարչապետը հայտարարել է նոր կառավարության կազմում նախարարությունների թվաքանակի կրճատման մասին
Բախտաձեի խոսքով՝ մշակույթի եւ սպորտի նախարարությունը կմիանա Վրաստանի կրթության եւ գիտության նախարարությանը...
Վրաստանում նախարարությունների թիվը կկրճատվի
Փոքր կառավարության հայեցակարգի համաձայն, որին մտադիր է հետեւել Վրաստանի վարչապետի...
Ի՞նչ է հայտնի Վրաստանի ապագա վարչապետ Մամուկա Բախտաձեի մասին
«Եթե այս երկրի իրական տիրակալ Բիձինա Իվանիշվիլին նրան նշանակի որեւէ անձնական պատճառով, դա սխալ կլինի...
Partner news