ՌԴ նախագահ Վլադիմիր Պուտինը հայտնել է, որ Եվրասիական տնտեսական միության (ԵՏՄ) անդամ երկրների ղեկավարները համաձայնություն են տվել Միությունում Մոլդովայի դիտորդի կարգավիճակին։ Այս մասին նա հայտարարել է Եվրասիական տնտեսական բարձրագույն խորհրդի ընդլայնված կազմով նիստը բացելիս, փոխանցում է ՏԱՍՍ–ը։
«Նշեմ ԵվրԱզԵՍ–ում դիտորդ երկրի կարգավիճակի հաստատման մասին որոշումը։ Համաձայնել ենք այդպիսի կարգավիճակ տրամադրել Մոլդովայի Հանրապետությանը»,–նշել է Պուտինը նեղ կազմով նիստը ամփոփելու ժամանակ։ Պուտինը սրա հետ կապված ողջունել է նիստի առաջնորդներին միացած Մոլդովայի նախագահ Իգոր Դոդոնին. «Ակնկալում ենք, որ Մոլդովայի Հանրապետությունը այս կարգավիճակում ակտիվորեն կմասնակցի մեր ինտեգրացիոն միավորման գործունեությանը։ Մենք պատրաստ ենք դիտարկել նաեւ այլ երկրների հայտերը, ամենից առաջ մեր հարեւաններինը՝ ԱՊՀ պետություններինը»,–հավելել է ՌԴ նախագահը։
Պուտինը նկատել է, որ նեղ կազմով նիստին հարցերը քննարկվել են ոչ առանց դիսկուսիաների, ոչ առանց վեճերի։ «Բայց մեզ հաջողվել է հասնել ընդհանուր որոշման»–նշել է Պուտինը։
