Հոգեբանական թեստերի հավելվածներից օգտվող Facebook–ի շուրջ երեք միլիոն օգտատերերի անձնական տվյալները 4 տարի շարունակ գտնվել են ազատ հասանելիության պայմաններում, հայտնում է New Scientist պարբերականը։
myPersonality հավելվածը Քեմբրիջի համալսարանի նախագիծն է՝ ստեղծված 2007 թվականին։ Դրա միջոցով օգտատերերը կարող են հոգեբանական թեստեր անցնել եւ արդյունքները արագորեն տեսնել։ Որոշ օգտատերեր համաձայնել են կիսվել արդյունքներով իրենց ֆեյսբուքյան էջում, այդպիսով ստեղծվել է խոշորագույն առանց տվյալների ուսումնասիրություն սոցիալական գիտության ոլորտում։
Պարբերականի տվյալներով՝ ավելի քան 6 միլիոն մարդ է անցել թեստը եւ նրանց կեսը համաձայնել է կիսվել այդ տվյալներով ֆեյսբուքյան էջում։ Հավելվածի հեղինակները հավաքել են այդ տվյալները, տեղադրել են վեբկայքում, որ հետազոտողները կարողանան դրանցից օգտվել։
Այնուամենայնիվ, Քեմբրիջի համալսարանի աշխատակիցները տվյալները տեղադրել են առանց անվտանգության համապատասխան միջոցների, ուստի 4 տարի շարունակ այդ տվյալների հասանելիության գաղտնաբառը հասանելի է եղել առցանց։ Այդ տվյալները ներառում են հասակը, սեռը, գտնվելու վայրը, թեստի արդյունքները եւ այլ մանրամասներ։ Անվտանգության թույլ միջոցները կարող էին հնարավորություն տալ չարագործներին տվյալները օգտագործել ոչ իրենց նշանակության։
