Բելգիայի արտաքին գործերի նախարար Դիդիե Ռեյնդերսը երեքշաբթի կոչ է արել ՄԱԿ–ին հետաքննություն անցկացնել Գազայի հատվածում ի նշան Թել Ավիվից Երուսաղեմ ԱՄՆ դեսպանատան տեղափոխման դեմ բողոքի ակցիայի ժամանակ բռնության դեպքերի առնչությամբ, փոխանցում է «ՌԻԱ Նովոստի»–ն։
Իսրայելի զինվորները կրակ են բացել բողոքի ցույցի մասնակիցների ուղղությամբ։ Պաղեստինի առողջապահության նախարարության վերջին տվյալներով՝ զոհվել է 59 մարդ, եւս շուրջ 2.7 հազարն էլ վիարվորել է։ Պաղեստինի առաջնորդ Մահմուդ Աբասը եռօրյա սուգ է հայտարարել։ Գազայի հատվածում իրավիճակը երեքշաբթի կքննարկվի ՄԱԽ ԱԽ-ում։
«Այսօր մենք պետք է խիստ կերպով կոչ անենք ՄԱԿ–ին անկախ հետաքննություն իրականացնել պարզելու համար, թե ինչ է իրականում տեղի ունեցել»,–ասել է Բելգիայի ԱԳ նախարարը։
Նախարարի խոսքով՝ նա այդ մասին կհայտնի երեքշաբթի Բրյուսելում այցով գտնվող ՄԱԿ գլխավոր քարտուղար Անտոնիո Գուտերեշին։
Բելգիայի ԱԳ նախարարը դատապարտել է քաղաքացիական անձանց դեմ ուղղված անընդունելի բռնությունը՝ նշելով, որ Իսրայելը պետք է հարգի խաղաղ ցույցերի իրավունքը։ Նա հավելել է, որ Բելգիան չի սատարում ԱՄՆ դեսպանատունը Թել Ավիվից Երուսաղեմ տեղափոխելուն։