Եգիպտական Հուրգադա նավահանգստի ափերին տուրիստական զբոսանավը բախվել է ժայռի Կարմիր ծովում, փրկարարները 14 եգիպտացու են ափ դուրս բերել, հաղորդում է «ՌԻԱ Նովոստի»-ն:
Ափամերձ պահակախմբի տեղեկությունների համաձայն՝ զբոսանավում, որը դուրս էր եկել ծովային զբոսանքի, անձնակազմի անդամներն էին եւ եգիպտացի զբոսաշրջիկները:
Ժայռին բախվելիս զբոսանավը վնասվել եւ սկսել էր խորտակվել: Անձնակազմն աղետի ազդանշան էր տվել. փրկարարները անմիջապես արձագանքել էին: