Առնվազն 12 մարդ է զոհվել Հնդկաստանի Արեւմտյան Բենգալիա նահանգում բռնությունների հետեւանքով, որտեղ նախօրեին տեղական ինքնակառավարման մարմինների ընտրություն էր անցկացվել, փոխանցում է «ՌԻԱ Նովոստի»–ն։ Բախումներ են տեղի ունեցել տարբեր քաղաքական կուսակցությունների միջեւ, որոնք, որպես կանոն, ունեն տարբեր կաստային եւ էթնիկական հենարան։
«Մահվան եւ միջադեպերի թիվը ավելի քիչ է եղել, քան նախորդ տարի…Մենք տեղեկություն ենք ստացել տարբեր շրջաններում 12 զոհերի մասին։ Սակայն, միայն վեց դեպքն է կապված քվեարկության հետ»,–հայտնել է տեղի ոստիկանության ներկայացուցիչ Սուրաջիթ Կարը։
Նրա խոսքով՝ իրավապահ մարմինները ամեն ինչ արել են ընտրությունների բացարձակապես խաղաղ անցկացման համար։
Լրատվամիջոցներում նշում են, որ ամբոխը ներխուժել են ընտրատարածք, վառել քվեատուփերը, իսկ քվեաթերթիկները ոչնչացրել են։
