Գազայի հատվածում իսրայելական զինվորների հետ բախման հետեւանքով զոհերի թիվը հասել է 61-ի, փոխանցում է «ՌԻԱ Նովոստի»–ն։ Ավելի վաղ հայտնի էր դարձել, որ 59 մարդ է զոհվել եւ շուրջ 2.7 հազարն էլ վիրավորվել։
«Հիվանդանոցում մահացել է 16-ամյա պաղեստինցին, որը երեկ վիրավորվել էր իսրայելական զինվորների հետ բախման ժամանակ, զոհված պաղեստինցիների թիվը երեկվանից հասել է 61-ի, իսկ մարտի 30-ից՝ 109–ի»,–ասել է տեղի բժշկական ծառայության ներկայացուցիչ Աշրաֆ ալ Կադրան։
Ակցիան անցկացվել է Գազայի հատվածում ի նշան Իսրայելի ստեղծման 70–ամյակին ու այդ առիթով Թել Ավիվից ամերիկյան դեսպանատունը Երուսաղեմ տեղափոխելու դեմ բողոքի։ Իսրայելի զինվորները կրակ են բացել բողոքի ցույցի մասնակիցների ուղղությամբ։ Պաղեստինի առողջապահության նախարարության վերջին տվյալներով՝ զոհվել է 59 մարդ, եւս շուրջ 2.7 հազարն էլ վիարվորել է։ Պաղեստինի առաջնորդ Մահմուդ Աբասը եռօրյա սուգ է հայտարարել։ Գազայի հատվածում իրավիճակը երեքշաբթի կքննարկվի ՄԱԽ ԱԽ-ում։
