«ԳԼՈԲԱԼ ԿՐԵԴԻՏ» ՈւՎԿ ՓԲԸ-ն հավատում է, որ երկրում ստեղծվել են բոլոր նախապայմանները կազմակերպության գործունեության ծավալների ընդլայնման եւ շարունակական զարգացման համար: Ելնելով նոր հնարավորություններից, կազմակերպությունը նախատեսում է ընդարձակել իր ֆինանսական ծառայությունների մատուցման աշխարհագրությունը եւ ֆինանսական գործիքների կազմն ու ծավալը:
Վարկային ծառայությունների նկատմամբ սպասվող պահանջարկի բավարարման նպատակով կազմակերպությունը նոր նախագծերի իրականացման շուրջ բանակցություններ է վարում եւ արդեն իսկ սկսել է նոր միջոցներ ներգրավել հայտնի միջազգային գործընկեր կազմակերպություններից, ինչպիսիք ենշվեյցարական «Fondation Alliance Armenienne – Geneva», Habitat for Humanity Armenia, Frontier Markets Advisory եւ այլ ընկերություններ:
Բացի դա, հաշվի առնելով հայ երիտասարդների ակտիվությունն ու մտավոր ներուժը, ինչպես նաեւ անցյալ տարվա ընթացքում ՏՏ ոլորտի նորաստեղծ 2 ստարտափ ընկերություններում ներդրում կատարելու հաջող փորձը, «ԳԼՈԲԱԼ ԿՐԵԴԻՏ» ՈւՎԿ ՓԲԸ֊ն,այս տարի եւս նախատեսում է աջակցել երիտասարդներին եւ կատարել ավելի մեծ ներդրումներ նորարարական ու առաջադեմ գաղափարներ իրագործելու նպատակով եւ հայտարարում է ստարտափերի ֆինանսավորման նոր մրցույթ (մանրամասները Globalcredit.am կայքում՝ https://www.globalcredit.am/news/startup-contest_2018.html):