Իսրայելի ԱԳՆ-ն պահանջել է, որ Երուսաղեմում Թուրքիայի գլխավոր հյուպատոսը հեռանա երկրից, հաղորդում է «ՌԻԱ Նովոստին»՝ հղում անելով Jerusalem Post-ին:
«Հյուպատոսին առաջարկվել է խորհրդակցությունների համար որոշ ժամանակով վերադառնալ Թուրքիա», - ասել է հյուպատոսության ներկայացուցիչը:
Նախկինում նմանատիպ միջոցներ Անկարայում Իսրայելի դեսպանի դեմ ձեռնարկվել էին Թուրքիայի իշխանությունների կողմից:
Երկու երկրների միջեւ դիվանագիտական հակամարտությունը տեղի է ունենում Գազայի հատվածում տեղի ունեցած իրադարձությունների կապակցությամբ, որտեղ իսրայելական զինված ուժերի հետ բախումների ժամանակ զոհվել են տասնյակ պաղեստինցիներ: