Իրանի առաջին փոխնախագահ Էշակ Ջահանգիրին շնորհավորել է Նիկոլ Փաշինյանին Հայաստանի վարչապետի պաշտոնում ընտրվելու կապակցությամբ, հայտնում է ԻՐՆԱ գործակալությունը։
Շնորհավորական ուղերձում նշվում է, որ Հայաստանն ու Իրանը միշտ ունեցել են բարեկամական ու մտերիմ հարաբերություններ։ «Ես միանգամայն վստահ եմ, որ Ձեր պաշտոնավարության ընթացքում մենք ականատես կդառնանք մեր երկրների համագործակցության ու հարաբերությունների ընդլայնմանը»։
Իրանի առաջին փոխնախագահը նաև հաջողություններ է մաղթել Հայաստանի նորընտիր վարչապետին ու բարգավաճում՝ հայ ժողովրդին։