News
Լրահոս
News
Շաբաթ
Նոյեմբեր 17
Տեսնել լրահոսը

ՀՀ սփյուռքի փոխնախարար Սերժիկ Սրապիոնյանը սեփական դիմումի համաձայն ազատվել է աշխատանքից: Այս մասին Facebook-ի իր էջում տեղեկացրել է Սփյուռքի նախարար Մխիթար Հայրապետյանը:

Նա, մասնավորապես, գրել է.

«Իմ կողմից առաջին նշանակումը. թուրքագետ, «Եփրատ» մերձավորարեւելյան ուսումնասիրությունների կենտրոնի տնօրեն, Թուրքագիտական պորտալի հիմնադիր, հայտնի թուրքագետ Գեւորգ Պետրոսյանն այլեւս իմ խորհրդականն է (հասարակական հիմունքներով):

Ամբողջ օրվա ընթացքում ընդունեցի նախարարության տարբեր վարչության պետերի, որոնք ինձ տեղեկություններ հաղորդեցին Սփյուռքի նախարարության կողմից իրականացվող ընթացիկ նախագծերի մասին:

12:00-ին Սփյուռքի նախարարությունում դիմավորեցի վարչապետ Նիկոլ Փաշինյանին: Վերջինս ինձ ներկայացրեց մեր աշխատակիցներին: Հանդիպեցի նաեւ նախկին նախարար Հրանուշ Հակոբյանին. նա ինձ իր մակագրությամբ գիրք նվիրեց ու բարի երթ մաղթեց:

Իր դիմումի համաձայն` աշխատանքից ազատվեց փոխնախարար Սերժիկ Սրապիոնյանը:

Երկու տարբեր բաժինների մի քանի աշխատակիցներից ձեւավորեցինք օպերատիվ խումբ, որի հիմնական գործառույթն է իրականացնել մամուլում եւ սոցիալական ցանցերում Սփյուռքի նախարարության վերջին շրջանի գործունեության վերաբերյալ առողջ` թե՛ դրական, թե՛ բացասական արձագանքների մոնիթորինգը (քննադատական մտածողության ներդրումն ու զարգացումը խմբի կարեւորագույն խնդիրներից մեկն է):

Հեռախոսազրույց ունեցա Գլենդելի քաղաքապետ, իմ լավ բարեկամ Զարեհ Սինանյանի հետ. զրույցի մանրամասները դեռ չեմ հրապարակի, սակայն շատ կարեւոր մի հարցի անդրադարձ եղավ ու, կարծես, այն շուտով լուծում կգտնի:

Կարճ, բայց բովանդակալից ու արդյունավետ խորհրդատվական հանդիպում ունեցա Գալուստ Գյուլբենկյան հիմնադրամի ներկայացուցչի հետ. պայմանավորվեցինք կրկին հանդիպել:

Աշխատանքային ժամի ավարտից անմիջապես հետո գնացի ՀՀ կառավարություն:

Դե իսկ օրվա վերջում հանդիպում ունեցա Վարդան Մարաշլյանի հետ»:

!
Այս նյութը հասանելի է նաև   Русский
Տպել
Partner news