Սաուդյան Արաբիայի մայրաքաղաք Էր Ռիյադում անցկացվում է երկրում կանանց համար ավտոմեքենաների առաջին ցուցահանդեսը, հաղորդում է «ՌԻԱ Նովոստի»-ն՝ վկայակոչելով The National-ը: Pinkish անվանումով ցուցահանդեսը կտեւի երեք օր: Բացի մեքենաները դիտելուց, կանայք կկարողանան խոսել ավտովաճառողների եւ ապահովագրական ընկերությունների ներկայացուցիչների հետ, ծանոթանալ հատուկ առաջարկներին:
Թագավորությունում կանանց՝ ավտոմեքենա վարելու արգելքը կվերացվի հունիսի 24-ից: Այդ օրվանից կանանց պաշտոնապես կթույլատրվի ավտոմեքենա վարել: Ակնկալվում է, որ ցուցահանդեսը կայցելի շուրջ 80 հազար հյուր: