Միայն վերջին 4 տարում աշխատանքի ընթացքում ցուցաբերած անբարեխիղճ դրսեւորումների համար Պետական հրդեհային եւ տեխնիկական անվտանգության տեսչությունում աշխատանքից ազատվել է 40 տեսուչ:
Հայաստանի ԱԻՆ-ից NEWS.am-ին հայտնում են, որ ՀՀ արտակարգ իրավիճակների նախարարությունը շարունակում է իրականացնել «Հրդեհային անվտանգության բարձրացման» ծրագիրը:
«Այսուհետ, հանրային օբյեկտներում հակահրդեհային անվտանգության խորհրդատվություն ստանալու համար, ինչպես նաեւ՝ ՀՀ ԱԻՆ պետական հրդեհային եւ տեխնիկական անվտանգության տեսչության աշխատակիցների կողմից ստուգումների ընթացքում աշխատանքային անբարեխիղճ վարմունքի դրսեւորումներ նկատելու դեպքում խնդրում ենք գրել ՀՀ արտակարգ իրավիճակների նախարարության ֆեյսբուքյան պաշտոնական էջին:
ՀՀ ԱԻ նախարարությունը մշտապես լրջորեն հետեւել եւ հետեւում է իր աշխատակիցների կողմից իրենց պարտականությունների բարեխիղճ եւ ազնիվ կատարմանը»,-ասված է հաղորդագրության մեջ: