ՀՀ պաշտպանության նախարար Դավիթ Տոնոյանը ծանոթացել է զինկոմիսարիատների օպտիմալացման հայեցակարգի իրականացմանն ուղղված աշխատանքներին եւ առկա խնդիրներին։ Նախարարը հանձնարարել է ՀՀ ՊՆ, ԶՈւ եւ ԶՈւ ԳՇ համապատասխան վարչություններին որոշումների վերջնական կայացումը հետաձգել մինչեւ ս.թ. հունիսի 21-ը:
ՀՀ պաշտպանության նախարարը հանձնարարել է նաեւ նշված օրը ներկայացնել հստակ առաջարկներ խնդիրների լուծման ուղղությամբ:
Նշենք, որ ՊՆ նախկին նախարարի ու նախկին կառավարության առաջ քաշած ծրագրից դժգոհ աշխատակիցներն այսօր բողոքի ակցիա են արել նախ ՊՆ-ի մոտ, ապա Բաղրամյան 26—ի դիմաց։