Facebook-ի գլխավոր տնօրեն Մարկ Ցուկերբերգը կկանգնի Եվրոպական խորհրդարանի անդամների առաջ, որ պատասխանի սոցցանցի 87 միլիոն օգտատերերի տվյալների ոչ նպատակային օգտագործման մասին հարցերին։ Այս մասին հայտնել է Եվրախորհրդարանի խոսնակ Անտոնիո Տայանին, փոխանցում է Reuters-ը։
Ցուկերբերգը, մասնավորապես, կհանդիպի կուսակցությունների առաջնորդների եւ քաղաքացիական ազատությունների հարցերով կոմիտեի անդամների հետ։
Հիշեցնենք, որ ապրիլի սկզբին Facebook-ը խոստովանել էր, որ Cambridge Analytica վերլուծական ընկերությունն անօրինական կերպով ստացել է 87 մլն օգտատերերի տվյալներ։