Hyundai-ի փոխնախագահ Իյսան Չենգը Bloomberg-ի հետ հարցազրույցում պատմել է, թե որ տեխնոլոգիաներն են այսօր առաջնային արտադրողի համար։ Մասնավորապես, ընկերությունը աշխատում է ինքնավար մեքենաների կատարելագործմամբ եւ ցանկանում է առաջատար լինել հոլոգրամի ոլորտում՝ նրանք շատ նման կլինեն մարդկանց, օրինակ՝ կնոջը կամ քարտուղարուհուն, փոխանցում է Motor-ը։
Այժմ ընկերությունը աշխատում է այնպիսի տեխնոլոգիաների վրա, որոնք թույլ կտան հոլոգրամը ցուցադրել ոչ միայն սարքի վահանակի վրա, այլ նաեւ ուղեւորների նստարանին։ Չոնգի փոխանցմամբ՝ դրա միջոցով կստեղծվի այնպիսի տպավորություն, թե ձեր կողքին մեկ այլ մարդ կա։
Նրա խոսքով՝ հիմա կարեւոր է կենտրոնանալ մյուս նոր տեխնոլոգիաների վրա, ինչպիսիք են՝ ծրագրային ապահովումն ու արհեստական ինտելեկտը։ Hyundai-ն համագործակցում է Ռոդ Այլենդի դիզայնի դպրոցի հետ, որտեղ ուսումնասիրվում է միջատների մասին գիտելիքների օգտագործման հնարավորությունը ինքնավար մեքենաների կառուցման գործում։ «Մենք ուսումնասիրում ենք միջատների թռիչքի աերոդինամիկան եւ կառուցվածքը»,-հայտնում է Չոնգը։
