Վիրտուալ միջավայրում խորասուզվելը կարող է մեծացնել վկաների ցուցմունքների ճշգրտությունը, հաղորդում է N +1-ը՝ հղում կատարելով Frontiers in Psychology-ին:
Վեսթմինսթերի համալսարանի հոգեբանները փորձնական հետազոտություն են անցկացրել, որի ժամանակ ուսումնասիրել են վիրտուալ միջավայրի ազդեցությունը վկաների հիշողության վրա:
Դրան մասնակցել է 38 կամավոր: Սկզբում նրանք կամավորներին ցույց են տվել մեքենան գողանալու տեսագրությունը: Տեսանյութը 1 րոպե 45 վայրկյան է տեւել: Այնուհետ հետազոտողները մասնակիցներին տուն են ուղարկել եւ խնդրել 2 օրից գալ: Վերադառնալուց հետո նրանց բաժանել են 2 խմբի: Մի խումբը ցուցմունքներ է տվել հոգեբանի օգնականին, իսկ մյուսը՝ վիրտուալ իրականության ակնոց է կրել եւ շփվել է օգնականի ավատարի հետ:
Առաջին հարցաքննության ժամանակ մասնակիցները պետք է պատմեին հանցագործության մանրամասների մասին: Այս առաջադրանքը երկու խումբն էլ միանման է կատարել:Սակայն փորձի երկրորդ մասի ժամանակ, երբ մասնակիցներին կոնկրետ հարցեր էին տալիս, գիտնականները տարբերություն են նկատել. այն խումբը, որը շփվում էր վիրտուալ իրականությունում, 30 տոկոսով լավ արդյունք է ցույց տվել: Վիրտուալ միջավայրում խորասուզված մարդիկ հիշել են մոտ 37 ճշգիրտ մանրամասն:
