Երկրի քաղաքների բնակչությունը 2050 թվականին կհասնի 6,7 միլիարդի, իսկ 2028 թվականին Դելին կդառնա խոշորագույն մեգապոլիս`առաջ անցնելով ներկայիս ռեկորդակիր Տոկիոյին: Չորեքշաբթի նման կանխատեսում է ներկայացրել ՄԱԿ-ի Տնտեսական եւ սոցիալական հարցերի վարչությունը, հաղորդում է ՏԱՍՍ-ը:
Ըստ կանխատեսման՝ 10 տարվա ընթացքում Հնդկաստանի ագլոմերացիայում, որը ներառում է Նյու Դելի մայրաքաղաքը, կբնակվի 37,2 միլիոն մարդ:
«Տոկիոն աշխարհի խոշորագույն քաղաքն է, որի ագլոմերացիայում 37 միլիոն մարդ է ապրում: Նրան հետեւում է Դելին՝ 29 միլիոն, Շանհայը` 26 միլիոն բնակիչներով, Մեխիկոն եւ Սան Պաուլոն, որոնցից յուրաքանչյուրի բնակչությունը մոտ 22 միլիոն մարդ է:
Այսօր Կահիրեում, Մումբայում, Պեկինում եւ Դաքքայում մոտ 20 միլիոն բնակիչ կա: Մինչեւ 2020 թվականը Տոկիոյի բնակչությունը կսկսի նվազել, իսկ Դելին կշարունակի աճել եւ մոտավորապես 2028 թվականին կդառնա աշխարհի ամենաբնակված քաղաքը», - նշել են ՄԱԿ-ում:
ՄԱԿ-ի տվյալներով՝ ներկայումս աշխարհի բնակչության 55 տոկոսը ապրում է քաղաքներում` շուրջ 7,6 մլրդ դոլար: 21-րդ դարի կեսերին, երբ մոլորակի բնակչության թիվը կհասնի 9.8 մլրդ, այդ ցուցանիշը 68 տոկոսով կնվազի:
