Twitter միկրոբլոգների ծառայությունը նոր ալգորիթմ է մշակել թրոլլների հաղորդագրությունները գտնելու եւ արգելափակելու համար: Այս մասին հաղորդվում է ընկերության բլոգում:
Թրոլլների հետ պայքարի համար մեքենայական ուսուցում կկիրառվի: Ալգորիթմները կճանաչեն «վարքագծային ազդակները»: Օրինակ եթե օգտատերը միաժամանակ բաժանորդագրվել է մի քանի էջերին, չի հաստատել իր էլեկտրոնային հասցեն կամ եթե հաճախ է հիշատակում այն օգատերերի էջերը, որոնք բաժանորդագրված չեն:
Այս տվյալների հիման վրա Twitter-ը կթաքցնի սադրիչ հաղորդագրությունները մինչ սոցցանցի օգտատերերը կհասցնեն բողոքել դրանցից, հաղորդում է «Կոմերսանտը»:
