«ԳԼՈԲԱԼ ԿՐԵԴԻՏ» վարկային կազմակերպությունը «ՌԵՆԵՍԱ» ներդրումային ընկերության հետ համագործակցության շրջանակում այս տարի եւս իրականացնում է սթարթափերի ֆինանանսավորման ծրագիր, որի նպատակն է մատչելի վարկավորման եւ վենչուրային կապիտալ ներդրումների իրականացման միջոցով աջակցել տեխնոլոգիական եւ այլ ոլորտներում նորարարական գաղափարներ ունեցող թիմերին/ընկերություններին՝ կյանքի կոչելու այդ գաղափարները՝ դարձնելով դրանք եկամտաբեր բիզնես:
Նորարարական գաղափարներով զինված բոլոր թիմերը/ընկերությունները հրավիրվում են մասնակցելու 2018թ. մայիսի 17-ից մեկնարկող «ԳԼՈԲԱԼ ՍՏԱՐՏԱՓ» մրցույթին, որի ընթացքում ՏՀՏ (ծրագրային ապահովում, ինտերնետ, թվային մեդիա, մոբայլ տեխնոլոգիաներ), ճարտարագիտության (սարքավորումներ, ծրագրային ապահովում և էլեկտրոնիկա), մաքուր տեխնոլոգիաների, տուրիզմի եւ այլ ոլորտներում նորարարություն առաջարկող եւ մրցութային հանձնաժողովի կողմից ընտրվող մասնակիցները կստանան համապատասխան աջակցություն «ԳԼՈԲԱԼ ԿՐԵԴԻՏ» ՈւՎԿ ՓԲԸ-ի եւ «ՌԵՆԵՍԱ» ՓԲԸ-ի կողմից՝ մատչելի վարկի եւ/կամ կապիտալ ներդրման տեսքով:
Շահագրգիռ բոլոր սթարթափ ընկերությունները կարող են դիմել՝ լրացնելով համապատասխան դիմում-հայտը, ներկայացնելով բյուջեն եւ այլ փաստաթղթերը` դրանք ներբեռնելով «ԳԼՈԲԱԼ ԿՐԵԴԻՏ» ՈւՎԿ ՓԲԸ՝ www.globalcredit.am կայքից եւ ուղարկելով [email protected] էլեկտրոնային հասցեին: Սթարթափ գաղափարների ընդհանուր նկարագիրն անհրաժեշտ է տրամադրել նաեւ PowerPoint սլայդերի ֆորմատով: Հայտերի ընդունման վերջնաժամկետը մայիսի 31-ն է:
