Կառավարությունն այսօր՝ մայիսի 17-ին, որոշում կայացրեց Ստեփան Մնացականյանին վեց տարի ժամկետով նշանակել Վիճակագրական ծառայության կոմիտեի նախագահ:
Կառավարության որոշմամբ նշանակվեցին նաեւ Վիճակագրության պետական խորհրդի անդամները:
Նրանց ներկայացրեց առաջին փոխվարչապետ Արարատ Միրզոյանը:
1. Ստեփան Մնացականյան. 2018 թվականի մայիսի 21-ից նշանակել Հայաստանի Հանրապետության վիճակագրական կոմիտեի նախագահ՝ վեց տարի ժամկետով:
2. Գագիկ Անանյան. 2018 թվականի մայիսի 21-ից նշանակել Հայաստանի Հանրապետության վիճակագրության պետական խորհրդի անդամ՝ վեց տարի ժամկետով (միկրոէկոնոմիկա եւ տնտեսական գործունեության տեսակների բնագավառ):
3. Գագիկ Գեւորգյան. 2018 թվականի մայիսի 21-ից նշանակել Հայաստանի Հանրապետության վիճակագրության պետական խորհրդի անդամ՝ վեց տարի ժամկետով (ժողովրդագրություն եւ սոցիոլոգիական ոլորտի բնագավառ):
4. Նելլի Բաղդասարյան. 2018 թվականի մայիսի 21-ից նշանակել Հայաստանի Հանրապետության վիճակագրության պետական խորհրդի անդամ՝ վեց տարի ժամկետով (բնապահպանության բնագավառ):
5. Վանուշ Դավթյան. 2018 թվականի մայիսի 21-ից նշանակել Հայաստանի Հանրապետության վիճակագրության պետական խորհրդի անդամ՝ վեց տարի ժամկետով (տեղեկատվական տեխնոլոգիաների բնագավառ):
6. Լիլիթ Պետրոսյան. 2018 թվականի մայիսի 29-ից նշանակել Հայաստանի Հանրապետության վիճակագրության պետական խորհրդի անդամ՝ վեց տարի ժամկետով (մակրոէկոնոմիկա եւ ֆինանսների բնագավառ):
«Հանրությունը հաճախ կասկածի տակ է դնում վիճակագրության կոմտեի բովանդակությունը: Շատ կարեւոր է, որ եւ հանրությունը, եւ կառավարությունը ճշգրիտ տեղեկատվություն ունենա»,- խոսքում նշեց ՀՀ վարչապետ Նիկոլ Փաշինյանը:
Նա հիշեց հայտնի արտահայտորթւունը, ըստ որի կա սուտ, կա լկտի սուտ եւ կա վիճակագրություն. « Ես հույս ունեմ, որ մենք ՀՀ վիճակագրական կոմիտեն մեզ բոլորիս կհանի այս տրամաբանությունից»,-ասաց Փաշինյանը՝ հավելելով, որ սա ընդամենը հումոր է:
