News
Լրահոս
News
Հինգշաբթի
Մարտ 28
Տեսնել լրահոսը

Լեհ գիտնականները կենտրոնական Եգիպտոսում գտնվող Հաթհոր աստվածուհու տաճարի անմիջական հարեւանությամբ քարե պատի վրա մի քանի տասնյակ նախկինում անհայտ հիերոգլիֆական գրություններ են հայտնաբերել, հայտնում է արշավախմբի ղեկավար Վոյցեխ Էլիսմոնդը, փոխանցում է «ՌԻԱ Նովոստի»-ն:

«Մի քանի տասնյակ գրություն փորագրված է 3.5 հազար տարեկան քարե տաճարի հարեւանությամբ գտնվող քարե պատի վրա: Տաճարում, մասնավորապես, երկրպագում էին Հաթհոր աստվածուհուն»,- գիտնականին մեջբերում է РАР գործակալությունը: Արշավախմբի ղեկավարի խոսքով՝ հայտնաբերված գրություններն «անգին աղբյուր են հնագույն ժամանակների ուսումնասիրության համար»:

Հայտնի եգիպտաբան Դավիդ Վեչերկոյի կողմից արված թարգմանությունից հետեւում է, որ հայտնաբերված գրություններն աստվածներին ուղղված խնդրանքներ կամ երախտագիտություն են: Դրանք արվել են մեր թվարկությունից առաջ մոտ 1770-ից մինչեւ 1400 թվականներին:

Նշենք, որ Հաթհորը եգիպտական դիցաբանության մեջ երկնքի, սիրո, կանացիության, գեղեցկության, պտղաբերության, զվարճանքի եւ պարերի աստվածուհին է:

!
Այս նյութը հասանելի է նաև   Русский
Տպել
Ամենաշատ