Սինգապուրի ազգային համալսարանի եւ Ինդոնեզիայի գիտական ինստիտուտի հետազոտողները երկու շաբաթ շարունակ ուսումնասիրել են Ճավայի ափի երկայնքով ձգվող Հնդկաստանի օվկիանոսի՝ Զոնդյան նեղուցն ընդգրկող լայն հատվածը: Հնդկական օվկիանոսի այս հատվածում խորջրյան կյանքի ուսումնասիրություն երբեք չի իրականացվել, ուստի գիտնականները չգիտեին՝ ինչ ակնկալել, հաղորդում է My Planet-ը:
Թիմին հաջողվել է 800 տեսակի 12 000 տարբեր արարածներ հայտնաբերել: Նրանց թվում էին նաեւ նախկինում չուսումնասիրվածները: Գիտնականները հայտնում են սարդ ծովախեցգետինների նոր երեք նոր տեսակի՝ կանաչ աչքերով թափառող խեցգետնի, սղոցանման չանչով օմարի, լուսավորվող աչքերով մանր ծովախեցգետնի մասին: Սակայն ամենից շատ գիտնականներին դուր է եկել հսկայական «խորջրյա խավարամիտը», որին Դարտ Վեյդեր են անվանել: Թիմը նոր հայտնաբերված տեսակների մանրակրկիտ ուսումնասիրություն կանցկացնի եւ աշխատանքի արդյունքները հրապարակի 2020 թվականին:
