News
Լրահոս
News
Չորեքշաբթի
Հոկտեմբեր 17
Տեսնել լրահոսը

Ռուսաստանի հետ «Հյուսիսային հոսք 2» (Nord Stream 2) գազատարի շինարարության աշխատանքներում ներգրավված եվրոպական ընկերություննները կարող են հայտնվել ամերիկյան պատժամիջոցների ներքո։ Այսպիսի հայտարարությամբ է հանդես եկել ԱՄՆ պետքարտուղարի էներգետիկ դիվանագիտության հարցերով օգնականի տեղակալ Սանդրա Ուդքիրքը, փոխանցում է Bloomberg-ը։

Բեռլինում հանդես գալով լրագրողների առաջ՝ նա մատնանշել է, որ սահմանափակումները կարող են սահմանվել ԱՄՆ-ում 2017 թվականի օգոստոսին ընդունված «Պատժամիջոցների միջոցով Ամերիկայի հակառակորդներին դիմակայելու մասին» օրենքին (CAATSA) համապատասխան։ Այն նախատեսում է, որ պատժամիջոցների ներքո կարող է հայտնվել էներգետիկայի ոլորտում Ռուսաստանի ցանկացած նախագիծ։

Նա հիշեցրել է, որ Վաշինգթոնը ազգային անվտանգության նկատառումներից ելնելով հանդես է գալիս Nord Stream 2-ի շինարարության դեմ։ Նրա խոսքով՝ Ռուսաստանը կարող է լրտեսման սարքեր տեղադրել խողովակի ամբողջ երկայնքով։ Նա հերքել է այն տեղեկությունը, թե Վաշինգթոնը դեմ է գազատարի շինարարությանը, քանի որ Եվրոպան դիտարկում է իր սեղմված գազի սպառման պոտենցիալ շուկա։

Nord Stream 2 AG ընկերությունում ՌԲԿ-ի դիմումին ի պատասխան հայտնել են, որ լրտեսման սարքերի մեղադրանքները մտացածին են, իսկ գազատարի նախագծային փաստաթղթավորումը հավանություն է արժանացել 5 երկերների իշխանությունների կողմից, որոնք տարածքով այն պետք է անցնի։

!
Այս նյութը հասանելի է նաև   English and Русский
Տպել
Ամենաշատ
Partner news