ՌԴ մշակույթի նախկին փոխնախարար Գրիգորի Պիրումովը ձերբակալվել է 450 միլիոն ռուբլու յուրացման գործով, հայտնում է ՌԲԿ-ն։ Նշվում է, որ այդ միջոցները հատկացվել էին «Պետական Էրմիտաժ» մշակութային հաստատության շենքերի համալիրի ու ֆոնդերի պահպանման շենքի շինարարության համար։

Պիրումովի հետ մեկտեղ ձերբակալվել է նաեւ Մշակույթի նախարարության գույքի կառավարման եւ ներդրումային քաղաքականության դեպարտամենտի նախկին տնօրեն Բորիս Մազոն եւ «Ռոսպան» ընկերությունների խմբի փաստացի ղեկավար Նիկիտա Կոլեսնիկովը։ Նրանք երեքն էլ նախկինում դատապարտվել էին ՌԴ տարբեր շրջանններում հուշարձանների վերականգնման համար նախատեսված 164 մլն ռուբլու հափշտակման համար։

Քննության տվյալներով՝ կասկածյալները պետական պայմանագիր են կնքել առանց այն իրագործելու մտադրության։