Մեքսիկայի արտաքին գործերի նախարար Լուիս Վիդեգարայն անընդունելի է համարել ԱՄՆ նախագահ Դոնալդ Թրամփի հայտարարությունը, որտեղ նա անօրինական ներգաղթյալներին «կենդանի» է անվանել։ Վիդեգարայը նշել է, որ այս առնչությամբ Մեքսիկան պաշտոնական բողոք կհղի Պետդեպարտամենտին, հաղորդում է Reuters-ը:
Նախօրեին Կալիֆորնիայի առաջնորդների հետ հանդիպման ժամանակ Թրամփը մասնավորապես ասել էր․ «Դուք չեք հավատա, թե որքան վատն են այդ մարդիկ: Դրանք մարդիկ չեն, այլ կենդանիներ են, եւ մենք կվռնդենք նրանց երկրից»։