News
Լրահոս
News
Չորեքշաբթի
Հունվար 23
Տեսնել լրահոսը

Հայաստանի ապագայի մասին բոլորս էլ ստիպված ենք լավ հույսեր ունենալ, սակայն պետք է ընդունենք, որ հեշտ չի լինելու կոռումպացված  համակարգը բնից արմատախիլ անելը։ Այս մասին հայտարարել է աշխարհահռչակ հայ տնտեսագետ Տարոն Աջեմօղլուն Ստամբուլի հայկական «Ակոս» շաբաթաթերթի հետ զրույցում։

Տարոն Աջեմօղլուն նշել է, որ Հայաստանի նոր վարչապետ Նիկոլ Փաշինյանն իրեն  զանգահարել եւ ճշտել է, թե արդյոք ինքը ցանկանո՞ւմ է օգնել  Հայաստանի տնտեսությանը։ «Ես պատասխանեցի, թե դրսում ապրելով՝ չգիտեմ, թե ինչպես կարող եմ օգնել, սակայն հայտնեցի, որ որ սիրով պատրաստ եմ ջանքեր գործադրել։ Առիթի դեպքում գնալու եմ Հայաստան, սակայն այս պահին ընտանեկան խնդիրների պատճառով անհայտ է, թե երբ կարող եմ այցելել Հայաստան։

Հայաստանի տնտեսությունը կաշառքի ու կոռուպցիայի հետեւանքով շատ է տուժվել։ Հայաստանի հասարակության մեջ եւ դրսում մեծ  հույս կա, որ գտնվում ենք շրջադարձային կետում։ Անհրաժեշտ է բարձր մրցունակություն ապահովող եւ ավելի դինամիկ տնտեսության  ճանապարհը բացող հասարակական շրջադարձ։ Նման փոփոխությունը միայն Հայաստանի հասարակությունը կարող է ապահովել։

Հայաստանի ապագայի վերաբերյալ բոլորս էլ ստիպված ենք լիահույս լինել, սակայն պետք է ընդունենք, որ հեշտ չի լինելու կոռումպացված  համակարգը բնից արմատախիլ անելը։ Դա  հնարավոր կլինի բազմակողմ մոտեցումով եւ նոր, կրթված, իդեալիստ եւ չկոռումպացված անձանց քաղաքականություն մտնելու շնորհիվ»,-ասել է Տարոն Աջեմօղլուն։

Նշենք, որ Տարոն Աջեմօղլուն ծնվել է 1967-ին, Ստամբուլում։ 1986-ին ավարտել է Գալաթասարայի ավագ դպրոցը։ Այնուհետ, ավարտել Լոնդոնի «Յորք»  համալսարանը եւ դոկտորական պաշտպանել Լոնդոնի Տնտեսագիտության դպրոցում։  1993-ին համալրել է Մասաչուսեթսի տեխնոլոգիական ինստիտուտի մասնագետների շարքը՝ 2000-ին ստանալով պրոֆեսորի կոչում։

Տարոն Աջեմօղլուն գլխավորում է տնտեսագիտական ուսումնասիրություններով զբաղվող ինտերնետային RePEc նախագծի ամենաազդեցիկ տնտեսագետների ցանկը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Քաղաքացիները ՀԴՄ կտրոններ չտրամադրելու դեպքերի վերաբերյալ կարող են տեղեկացնել ՊԵԿ-ին
Միաժամանակ կոմիտեն հորդորում է գնում կատարելիս տնտեսվարող սուբյեկտներից պահանջել ՀԴՄ կտրոնը...
Դոլարի փոխարժեքը աննշան աճել է. եվրոն էժանացել է
Թանկարժեք մետաղների համար բանկի կողմից սահմանվել են հետեւյալ գները...
Փաշինյանը եւ ԱԶԲ նախագահը պայմանավորվել են ընդլայնել համագործակցության ոլորտները
Նիկոլ Փաշինյանը կարեւորել է ՀՀ կառավարության եւ ԱԶԲ-ի միջեւ սերտ համագործակցությունն ու ծրագրերի արդյունավետ իրականացումը, զրուցակցին ներկայացրել ՀՀ տնտեսության մեջ տեղի ունեցող դրական զարգացումները...
Դավոսում Փաշինյանը JICA-ի եւ eBay-ի ղեկավարների հետ քննարկել է համագործակցության հեռանկարները
Գեթի Ֆոսթերը պատրաստակամություն է հայտնել այցելել Հայաստան` մեր երկրում eBay-ի գործունեության հեռանկարները եւ ներդրումային ծրագրեր իրականացնելու հնարավորությունները քննարկելու նպատակով…
Ամուլսարի համայնքների բնակիչներն արտագաղթում են, ճանապարհները դեռ փակ են. «Լիդիան Արմենիա»
Լիդիանը շարունակում է այս համայնքներում սոցիալական իրավիճակի մոնիտորինգը՝ որպես սոցիալական պատասխանատվության մաս…
Սեւանի թերակղզու հատվածում ծովափին ստեղծվելու են քոթեջային, հյուրանոցային կառուցապատման գոտիներ. Քաղշինկոմիտե
Խոսքը մոտ 10 կմ երկարություն ունեցող լճափնյա հետիոտն ճեմուղու մասին է...
Ֆոտոռեպորտաժներ