Չինաստանն ավարտել է 001А նախագծի սեփական արտադրության առաջին ավիակրի փորձարկումները, հայտնում է «ՏԱՍՍ»-ը՝ վկայակոչելով Չինաստանի կենտրոնական հեռուստաընկերությունը:
Հինգ օր տեւած փորձարկումների ժամանակ ավիակրի սարքավորումների թեսթավորումը հաջողությամբ ավարտվել է: Ավիակիրը կդառնա Չինաստանի Ժողովրդաազատագրական բանակի ռազմածովային ուժերի նավատորմի այս դասի երկրորդ նավը:
70 հազար տոննա ջրատարողությամբ նոր չինական ավիակիրը պաշտոնական անվանում դեռ չի ստացել եւ հայտնի է որպես 001A նախագծի նավ, սակայն չինական մամուլը երբեմն այն «Շանդուն» է կոչում:
