News
Լրահոս
News
Երեքշաբթի
Հոկտեմբեր 23
Տեսնել լրահոսը

«Սասնա ծռերի» գործով դատական  նիստն այսօր՝ մայիսի 18-ին, Երեւանի ընդհանուր իրավասության դատարանի Շենգավիթի նստավայրում հետաձգվեց: Դատավոր Արշակ Վարդանյանը հայտնեց, որ ոստիկանության ուղեկցող գումարտակի ծանրաբեռնվածության պատճառով ամբաստանյալները դատարան չեն բերվել:

Նշենք, որ փաստաբանները գրություն էին ուղարկել ոստիկանության ուղեկցող գումարտակի ղեկավարությանը՝ խնդրելով պարզաբանել ամբաստանյալներին չներկայացնելու պատճառները: Փաստաբանները ի պատասխան գրություն են ստացել, որում ասվում է, որ գումարտակի ծառայողական ծանրաբեռնվածության եւ բարձր ռիսկի պատճառով, երբ խոչընդոտվում է գումարտակի մեքենաների շարժը մշտապես սպասելի են անկանխատեսելի գործողություններ, այդ իսկ պատճառով ամբաստանյալներին չեն ներկայացրել:

Դատավոր Արշակ Վարդանյանն արձանագրեց, որ դատարանի շրջափակման պատճառով ամբաստանյալներին չեն ներկայացրել դատարան:

Պաշտպան Հարություն Բաղդասարյանն էլ դատարանին մեղադրեց մասնագիտական պարտականությունը ոչ պատշաճ կատարելու եւ այդ ուղղությամբ աշխատանք չտանելու մեջ:  Դատավոր Արշակ Վարդանյանն էլ չհամաձայնեց՝ ասելով, որ դատարանը իրենից կլախված հնարավորը անում է:

Հարություն Բաղդասարյանն էլ առաջարկեց, որպեսզի դատարանի մեղադրող կողմի, իրենց եւ քաղաքական իշխանության կողմից քննարկում տեղի ունենա, որպեսզի խնդիրը լուծում ստանա, սակայն դատավորը այդ առաջարկին չարձագանքեց:

Դատական  նիստը մեկ շաբաթով հետաձգվեց:

Նշենք, որ արդեն 2-րդ օրն է՝ «Սասնա ծռերի» աջակիցները փակել են դատարանի մուտքերը, «Սասնա ծռերի» 11 անդամներն էլ դատարանի շենքում են դեռ գտնվում:

Հիշեցնենք, որ «Սասնա ծռեր» խմբի գործով դատաքննությունը մի քանի ամիս շարունակ չէր սկսվում,  «Սասնա ծռեր» խմբի 11 անդամի մասով գործը քննում է Արտուշ Գաբրիելյանը Ավան եւ Նոր Նորք վարչական շրջանների ընդհանուր իրավասության դատարանում, իսկ անջատված մասերով երկու գործերը քննում են Մեսրոպ Մակյանն ու Էրեբունի եւ Նուբարաշեն վարչական շրջանների ընդհանուր իրավասության դատարանի նախագահ Արթուր Օհանյանը: Օհանյանի լիազորությունները առողջական խնդիրների հետեւանքով դադարեցվել են, նրա փոխարեն դատավոր է նշանակվել Արշակ Վարդանյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դատավորը մերժել է Արմեն Բիլյանի եւ Սմբատ Բարսեղյանի՝ Արայիկ Խանդոյանին վերջին հրաժեշտը տալու խնդրանքը
Մինչդեռ նրանց պաշտպանները փայլուն կերպով ապացուցեցին, թե տվյալ պարագայում ինչու եւ ինչպես պետք է իրավունքը լուծի մեռած օրենքի տառը...
Թող մի օր այդ թափորի կեսը մեր դատարանի կողմը գար, որտեղ Արոն կուրծքն ու սիրտն էր պատռում. Պավել Մանուկյան
Գուցեեւ ընկերոջս սրտի վերքը այսքան խորը չլիներ: Գուցեեւ արդարության այսչափ մարտիկը այդչափ անարդարությանը զոհ չգնար...
Արայիկ Խանդոյանը կհուղարկավորվի Եռաբլուրում
Խանդոյանի հոգեհանգիստը տեղի կունենա հոկտեմբերի 12-ին՝ Ծաղկահովիտ գյուղի Մշակույթի տանը, հոկտեմբերի 13-ին՝ Երեւանում...
Անպայման հանդիպելու եմ վարչապետին. Պավել Մանուկյան
Որովհետեւ «Սասնա ծռերի» անունից ով ասես հանդիպեց, բայց «Սասնա ծռերից» ոչ ոք չի հանդիպել...
Պավել Մանուկյանն ազատ արձակվեց (ֆոտո)
Նշենք, հոկտեմբեր 9–ի լույս 10–ի գիշերը Գյումրիում մահացել է այս գործով ամբաստանյալ Արայիկ Խանդոյանը, ով հայտնի էր Միայնակ Գայլ անունով…
Պավել Մանուկյանը մեկ մլն դրամ գրավի դիմաց ազատ կարձակվի. Դատարանը որոշեց
Նշենք, հոկտեմբեր 9–ի լույս 10–ի գիշերը Գյումրիում մահացել է այս գործով ամբաստանյալ Արայիկ Խանդոյանը, ով հայտնի էր Միայնակ Գայլ անունով…
Partner news