News
Լրահոս
News
Շաբաթ
Հոկտեմբեր 20
Տեսնել լրահոսը

Ոստիկանության աշխատակիցների օպերատիվ-հետախուզական եւ քննչական համատեղ գործողությունների արդյունքում մայիսի 17-ին բացահայտվել է Սարալանջի նորակառույց ճանապարհի աջակողմյան հատվածում գտնվող Այգեստան 11 փողոցի 1-ին նրբանցքի տներից մեկին հարակից կիսակառույց շինությունում 60-ամյա Գեւորգ Մաթոսյանի առանձնակի դաժան սպանությունը։ Նրա դին նեխած եւ գլխի շրջնում ջնջխված վիճակում հայտնաբերվել էր նույն օրը։

Shamshyan.com-ի  փոխանցմամբ, ոստիկանները սպանությունը կատարելու կասկածանքով ոստիկանության Կենտրոնական բաժին են բերման ենթարկել Երեւան քաղաքի բնակիչ՝ 20-ամյա Անդրեյ Խալիլյանին։

Աղբյուրի տեղեկություններով՝ նա ժամկետային զինծառայող է եղել, ծառայության է գտնվել Արցախի զորամասերից մեկում, սպանությունը կատարելու օրը նա օրինական կարճաժամկետ արձակուրդի է եղել ու սպանությունը կատարել է ապրիլին։

Նա այդ օրը նաեւ նռնակ է նետել նույն հասցեի բնակչի վրա, որի մասին ոստիկանության Կենտրոնական բաժնում օպերատիվ տվյալներ էին ստացել օրեր անց, քանի որ վիրավորում ստացած քաղաքացին կատարվածի մասին չէր տեղեկացրել իրավապահներին։

Քննիչի որոշմամբ կասկածյալ Ա. Խալիլյանը ձերբակալվել է։ Նա հայտնել է, որ սպանությունը կատարել է այդ օրը, երբ նռնակ է նետել խորթ հոր ուղղությամբ եւ իր զոհին անասնագոմում սպանել է կացնի մի քանի հարվածով։ Իրավապահները ձեռնարկում են անհրաժեշտ օպերատիվ միջոցառումներ՝ հանցագործության գործիք հանդիսացող կացինը հայտնաբերելու ուղղությամբ։

Ավելի վաղ հայտնել էինք, որ մայիսի 14-ին առեղծվածային դեպք էր տեղի ունեցել Երեւանում։ Ժամը 09։00-ի սահմաններում ոստիկանություն ահազանգ էր ստացվել, որ Սարալանջի նորակառույց ճանապարհի աջակողմյան հատվածում գտնվող Այգեստան փողոցի տներից մեկի անասնագոմում տղամարդու դի կա։

Դատաբժշկի նախնական եզրակացության համաձայն՝ մահացածի գլուխն ամբողջովին ջնջխված էր՝ բազմաթիվ բեկորային վնասվածքներով։ Ոստիկանությունն ու քննչական բաժինը պարզել էին, որ մահացածը Այգեստան 11 փողոցի բնակիչ՝ 60-ամյա Գեւորգ Մաթոսյանն էր։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իշխանության ներկայացուցչի նկատմամբ բռնություն գործադրելու մեջ մեղադրվող 28–ամյա երիտասարդը հայտնաբերվեց
Սրապիոն Ա.-ն ներկայացվել է հետախուզման նախաձեռնողին...
Ազատամուտի համայնքի ղեկավարին նոր մեղադրանք առաջադրվեց
ՀՀ ոստիկանության Տավուշի մարզային վարչության Իջևանի բաժնում հարուցվել էր մեկ այլ քրեական գործ...
Նոր-Նորքում հափշտակել է կնոջ ձեռքի պայուսակն ու դիմել փախուստի. 25–ամյա երիտասարդը ձերբակալվել է
Գայի պողոտայի և Խուդյակովի փողոցի խաչմերուկից բերման ենթարկեցին 25-ամյա Մասիս Ն.-ին...
Ձերբակալված ոստիկանների հարազատները փակել էին Երեւան–Սեւան ճանապարհը
Նրանք պահանջում էին ազատ արձակել ոստիկանության Սեւանի բաժնում խմբի կազմում Ա.Մ.–ին խոշտանգելու մեջ կասկածվողներին...
Հնդկաստանում երկաթուղու պատահարի հետեւանքով զոհերի թիվը հասել է մինչեւ 61-ի. լրատվամիջոց
Մահացել է 61 մարդ, այդ թվում՝ կանայք եւ երեխաներ…
Բերման ենթարկվածի մոտից հայտնաբերվեց մի քանի տեսակի թմրամիջոց
Ըստ Գյուլնազարյանի՝ հայտնաբերվածը ափիոն, հերոին, և մարիխուանա տեսակի թմրամիջոցներ են...
Ամենաշատ
Partner news