Apple-ի համահիմնադիր Սթիվ Վոզնյակը տեխնիկական առաջընթացի հիմնական խնդիր է համարում գաղտնիության պակասը եւ անհատական տվյալների անվտանգության խախտումը, փոխանցում է Life-ը:
«Մենք արդեն վաղուց կորցրել ենք մեր անհձնական ոլորտը, մեր անվտանգությունը: Մենք հրաժեշտ ենք տվել մեր անձնական կյանքին, եւ դա նվաստացուցիչ է»,- հայտարարել է Վոզնյակը Business Insider-ին տված հարցազրույցում:
Վոզնյակը խոստովանել է, որ երբ նա աշխատում էր Apple-ում որպես ինժեներ, միշտ մարդուն դնում էր տեխնոլոգիաների դեմ, որպեսզի առաջինը կարողանա ապրել իր բնականոն կյանքով: «Նախկինում մենք կարող էինք խոսել մարդկանց հետ` իմանալով, որ դա գաղտնիք կմնա: Այժմ այդպես չէ»,- ասել է Սթիվ Վոզնյակը: