News
Լրահոս
News
Շաբաթ
Օգոստոս 18
Տեսնել լրահոսը

Երեւանի զվարճանքի կենտրոններից մեկում անազատության մեջ պահվող կենդանու մասին հերթական ահազանգն է հնչել. «Էկո-մեդիա ցանցի» համահիմնադիր Նարինե Կիրակոսյանը ՀՀ Կարմիր գրքում գրանցված բեզոարյան այծի լուսանկարներ է հրապարակել:  Կենդանին պահվում է «10-ից 10» զվարճանքի համալիրում:

Այս մասին Econews.am-ը  զրուցել է Վայրի բնության եւ մշակութային արժեքների պահպանման հիմնադրամի (FPWC) Կովկասյան կենսաբազմազանության ապաստարանի համակարգող Մանուկ Մանուկյանի հետ, ով նաեւ համակարգում է արջերի փրկության ծրագիրը:

«Լուսանկարում էգ բեզոարյան այծ է, տարիքը՝ մեկ տարեկանից ավել: Չեմ կարող միանշանակ ասել, թե կենդանին որտեղից է եկել, բայց հիմնականում գիտեմ՝ ինչպես են այդ այծերը հասնում Երեւան: Սովորաբար, կանաչ սեզոնին, երբ մարդիկ սարերում կանաչեղեն են հավաքում, կենդանին հանդիպում է, բռնում եւ վաճառում են: Երբեմն էլ Մեղրու, Կապանի շրջանում հայտնվում են հատուկ ձագ բռնողներ: Բերում են Երեւանում 100-200 դոլարով վաճառում են»,- ասաց նա:

Ինչպես նշեց Մանուկ Մանուկյանը, նման վայրերում կարմիրգրքյան վայրի կենդանիներ պահելը սխալ է, քանի որ կենդանուն սխալ են խնամում: «Մինչ այժմ ոչ ոք ճիշտ չի խնամել այդ կենդանիներին՝ սկսած իրենց տարածքից, տեղից, կերից, կերակրման ձեւից եւ այլն: Ոչ մի բանը ճիշտ չի իրականացվում»,- ասաց նա: 

Նշենք, որ «10-ից 10» զվարճանքի համալիրը «ՎԱԼԵՆՍԻԱ» համատեղ ձեռնարկություն ՍՊԸ կազմի մեջ է, որն էլ հայտնի «Իքս Գրուպ» ընկերության մաս է: Վերոնշյալ «10-ից 10» զվարճանքի համալիրում հրաձգությունը եւս համարվում է զվարճանքի ձեւ եւ պարբերաբար իրականացվում է հրաձգության հրավեր:

Գործարար Խաչիկ Խաչիկյանին պատկանող «Իքս Գրուպ» ընկերության մաս են կազմում մի շարք հայտնի ընկերություններ, որոնցից են՝ «Ջրաշխարհ» զվարճանքի կենտրոնը, «Արաքս թռչնաֆաբրիկան», «Կլայկ» առեւտրի կենտրոնը եւ այլն: Նշենք, որ Խաչիկ Խաչիկյանը բավական հայտնի գործարար է եւ մի քանի անգամ հայտնվել է «աղմկահարույց» պատմությունների կիզակետում:

Մեր հետագա ուսումնասիրությունը ցույց տվեց նաեւ, որ 2017թ.-ին նշված տարածքում պահվել են նաեւ վարազներ (վայրի խոզ): Վերջին տարիներին այս տեսակի թվաքանակի անկում է գրանցվել, սակայն վարազը դեռ գրանցված չէ ՀՀ Կարմիր գրքում:

«Կենդանական աշխարհի մասին» ՀՀ գործող օրենքը սահմանում է Անազատ եւ կիսաազատ պայմաններում վայրի կենդանիների, այդ թվում՝ ՀՀ կենդանիների Կարմիր գրքում գրանցված կենդանիների օգտագործման կարգը: Հոդված 27.2-ի առաջին կետով ասվում է. «Անազատ պայմաններում պահվող վայրի կենդանիների օգտագործումը թույլատրվում է վերարտադրության, վերակլիմայավարժեցման, առեւտրի, գիտահետազոտական, ուսումնական, առողջապահական, կենսաբանական թեստավորման, սննդի կամ այլ կենդանիների համար որպես կեր օգտագործելու, արգասիք ստանալու, մշակութային, գեղագիտական, բնության մեջ բաց թողնելու, որսի եւ որպես որսամիջոց (որսկան թռչուն, խաբսաբադ) օգտագործելու նպատակներով»:

Այս եւ մի շարք այլ պահանջների համապատասխանությունը ՀՀ-ում գործող օրենքին պետք է ստուգի ՀՀ բնապահպանության եւ ընդերքի տեսչական մարմինը, ուստի հրավիրում ենք վերոնշյալ կառույցի ուշադրությունը: Նշենք նաեւ, որ սույն օրենքում նախատեսվում են էական փոփոխություններ, որոնք պետք է նաեւ ավելի խիստ կանոնակարգեն անազատ եւ կիսազատ պայմաններում գտնվող կենդանիների պահման նպատակներն ու պայմանները:

Տպել
Կարդացեք նաև
Ամբողջը
ՃՏՊ Կապան-Ծավ ավտոճանապարհին. կա տուժած
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ...
ՃՏՊ Երեւան-Մեղրի ավտոճանապարհին. կան տուժածներ
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ...
Զինծառայության ենթակա անձանց զորակոչից խուսափելուն օժանդակելու համար մեղադրանք է առաջադրվել ևս երկու անձի
Քննիչը նույն օրը քրեական գործը վարույթ է ընդունել, մշակել քննչական պլան և հետաքննության մարմնի հետ իրականացրած քննչական և օպերատիվ-հետախուզական միջոցառումների...
Կանադայում անհայտ անձինք ներկ են լցրել երկրի հիմնադիր հոր հուշարձանին
Պատասխանատվությունը ստանձնել է «հակագաղութային վանդալների» խումբը…
Վրաստանում այրել են ավելի քան 2,1 մլն դոլարի թմրանյութ
Բարձրջերմաստիճանային վառարանի մեջ այրվել է ավելի քան 4,1 կգ հերոին, գրեթե 2,5 կգ կոկաին եւ ավելի քան 1 կգ մորֆին…
Մեղադրանք է առաջադրվել սոցիալական ծառայությունների Շենգավիթի ստորաբաժանման պետին
Քննչական կոմիտեից տեղեկացրել էին, որ քաղաքացիներից հաղորդումներ են ստացվել՝ սոցիալական աջակցության Շենգավիթի տարածքային գործակալությունում կատարված...
Partner news