News
Լրահոս
News
Հինգշաբթի
Հոկտեմբեր 18
Տեսնել լրահոսը

ՀՀ հատուկ քննչական ծառայությունում քննվող քրեական գործով միջոցներ են ձեռնարկվում՝ պարզելու Հանրապետության հրապարակից ոստիկանության աշխատակիցների կողմից 22.04.2018թ.-ին բերման ենթարկվող քաղաքացու ինքնությունը` տուժող ճանաչելու եւ այլ դատավարական գործողություններ կատարելու, ինչպես նաեւ քրեական գործի բոլոր հանգամանքները բացահայտելու նպատակով:

ՀՔԾ-ից NEWS.am-ին հայտնում են, որ ՀՀ քրեական օրենսգրքի 164-րդ հոդվածի 3-րդ, 308-րդ հոդվածի 1-ին եւ 309-րդ հոդվածի 2-րդ մասերով դեռեւս ապրիլի 22-ին քրեական գործ է հարուցվել 2018 թվականի ապրիլի 13-ից Երեւան քաղաքի փողոցներում եւ հրապարակներում անցկացված հավաքների ընթացքում ՀՀ ոստիկանության պաշտոնատար անձանց կողմից պաշտոնեական լիազորությունները չարաշահելու եւ անցնելու առերեւույթ հանցագործությունների առթիվ:

Մասնավորապես, նախաքննություն է իրականացվում ՀՀ ոստիկանության եւ իրավապահ մարմինների այլ պաշտոնատար անձանց կողմից վերոհիշյալ դեպքերի ընթացքում բերման ենթարկված քաղաքացիների, այդ թվում` լրագրողների եւ փաստաբանների նկատմամբ բռնություն գործադրելու ավելի քան 70 դրվագով:

Քրեական գործով քննության ենթակա դրվագներից է նաեւ համացանցում տարածված «կարմիրբերետավորը բերման ենթարկելիս փորձում է կոտրել քաղաքացու ոտքը» վերտառությամբ տեսագրությունը, որտեղ երեւում է, թե ինչպես են ոստիկանության աշխատակիցները Հանրապետության հրապարակից 22.04.2018թ.-ին ուժի գործադրմամբ բերման ենթարկում քաղաքացուն:

Տեսագրության մեջ երեւացող քաղաքացուն կամ նրան ճանաչող անձանց խնդրում ենք ներկայանալ Հատուկ քննչական ծառայություն կամ զանգահարել 099 060266 հեռախոսահամարով` դեպքի բոլոր հանգամանքները բացահայտելուն ուղղված քննությանն աջակցելու նպատակով:

Նախաքննությունը շարունակվում է։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հրազդանի քաղաքապետարանը դատի է տվել նախկին քաղաքապետ Արամ Դանիելյանին. պահանջում է 2,85 մլն դրամ
Փաստաբանի խոսքով, Դանիելյանը համայնքապետարանի կողմից նախապես ծանուցվել է հայցադիմումի մասին, սակայն վերջինիս կողմից առայժմ որեւէ առաջարկ չկա հաշտության…
Մոսկվայի քաղաքային դատարանը ՔԿՀ-ից Խաչատրյան քույրերից ավագի ազատ արձակումն օրինական է ճանաչել
Դատարանն անփոփոխ է թողել Բասմանյան դատարանի վճիռը․․․
Մեկ օրում բացահայտվել է հանցագործության 53 դեպք. սպանության սպառնալիք, թմրանյութեր ու ծեծ
Անցած 1 օրվա ընթացքում հանրապետությունում արձանագրվել է ճանապարհատրանսպորտային 16 պատահար, ինչի հետեւանքով 5 մարդ զոհվել է, 22-ը՝ ստացել տարբեր աստիճանի մարմնական վնասվածքներ...
Մոսկվայի քաղաքային դատարանը ՔԿՀ-ից Խաչատրյան քույրերից միջնեկի ազատ արձակումն օրինական է ճանաչել
Դատարանն անփոփոխ է թողել Բասմանյան դատարանի վճիռը․․․
Վրաերթեր Հայաստանում. վիրավորների մեջ են 10-ամյա եւ 4-ամյա երեխաներ
Կոտայքի մարզի Քաղսի գյուղից դեպի Սոլակ գյուղ տանող ճանապարհի 1-ին կմ-ին վրաերթի է ենթարկել 4-ամյա տղայի...
CNN․ Ինքնաթիռը, որի մեջ Մելանյա Թրամփն է եղել, ծխահարման պատճառով հարկադրված վայրէջք է կատարել
Թռիչքից մոտ 10 րոպե անց ինքնաթիռի առջեւի մասում ծխի հետքեր են հայտնվել ․․․
Ամենաշատ
Partner news