News
Լրահոս
News
Կիրակի
Սեպտեմբեր 22
USD
476.13
EUR
525.98
RUB
7.47
ME-USD
0.08
Տեսնել լրահոսը

Ucom ընկերության եւ Հայաստանի ազգային պոլիտեխնիկական համալսարանի կողմից կազմակերպված «Տեղեկատվական եւ հեռահաղորդակցության ժամանակակից ցանցային տեխնոլոգիաներ» դասընթացը հաջողությամբ հաղթահարած ուսանողներն ավարտական հավաստագրեր են ստացել։ Հավաստագրերի հանձնման հանդիսավոր արարողությունը կայացել է մայիսի 18-ին Պոլիտեխնիկական համալսարանում (ֆոտոռեպորտաժ)։  

Ընդ որում, լավագույններն աշխատանքի են անցել ընկերության տեխնիկական վարչության մի շարք ստորաբաժանումներում։ Մասնավորապես, աշխատանքի ընդունված Ucom լաբորատորիայի 11 լավագույն սաները 6 շաբաթվա ընթացքում սերտել են 12 դասից բաղկացած ցանցային տեխնոլոգիաներին վերաբերող բազային գիտելիքները։ Ucom ընկերության տեխնիկական մասնագետի կողմից իրականացված դասընթացին մասնակցելու համար դիմել են Պոլիտեխնիկական համալսարանի 60 ուսանողներ, որոնցից հարցազրույցի հիման վրա ընտրվել են 15-ը։ Ավարտական քննությունը հաջողությամբ հաղթահարել են 11 հոգի, որոնցից 9-ը մարտ ամսվանից աշխատանքի են անցել Ucom ընկերության տեխնիկական վարչության մոնիտորինգի եւ տեխնիկական աջակցման ստորաբաժանումներում։

«Ucom ընկերության հետ համատեղ կազմակերպված դասընթացները նպատակաուղղված են ուսման որակի բարձրացմանը եւ աշխատաշուկայի ներկա պայմաններում ուսանողների մրցունակության համար արդիական գիտելիքների տրամադրմանը։  Սրա հետ մեկտեղ, համագործակցության այսպիսի ձեւաչափը բուհերի եւ գործատուների փոխգործակցության նոր որակ է ստեղծում»,–նշել է Հայաստանի ազգային պոլիտեխնիկական համալսարանի ռեկտոր Ոստանիկ Մարուխյանը։

«Ընկերությունը պատրաստ է տարեկան Պոլիտեխնիկի 20 ուսանողի աշխատանքի ընդունել։ Ես վստահ եմ, որ այդ դասընթացները ուսանողների համար մոտիվացիա կդառնան, քանի որ նրանց առջեւ աշխատանքի հեռանկարներ կբացվեն։ Ընկերության համար այդ դասընթացները կարեւոր են, քանի որ հնարավորություն են տալիս որակյալ կադրեր ներգրավվել»,– իր հերթին հայտնել է Ucom ընկերության գլխավոր տնօրեն Հայկ Եսայանը։

Նա տեղեկացրել է, որ մի քանի օր առաջ ավարտվել է Ucom լաբորատորիայի դասընթացը արդեն երկրորդ խմբի համար։ Մոտ 65 հոգուց ընտրվել են 17-ը, իսկ քննությունը հաջողությամբ հաղթահարել են 16-ը։

«Այսօրվանից մեր մարդկային ռեսուրսների կառավարման վարչությունը կսկսի հարցազրույցների գործընթացը։ Լավագույնները կրկին կհամալրեն մեր գործընկերների շարքերը»,–հավելել է Ucom ընկերության գլխավոր տնօրենը։

Ավարտական հավաստագրերը ստացել են միայն այն սաները, որոնք հաջողությամբ հաղթահարել են քննական փուլը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մարտունիում եւ հարակից բնակավայրերում հեռուստատեսային ալիքների հեռարձակումը ժամանակավորապես կդադարեցվի
Նշված ժամանակահատվածում Մարտունի քաղաքում եւ հարակից բնակավայրերում հեռուստատեսային ալիքների հեռարձակում չի իրականացվի...
Beeline-ն առաջարկում է նոր սմարթֆոններ ուսումնական տարվան նվիրված ակցիայի շրջանակում
Նոր ուսումնական տարվան նվիրված մեր ակցիան մեծ պահանջարկ է վայելում եւ, ընդառաջ գնալով մեր հաճախորդների ցանկություններին...
Ucom-ում մեկնարկում է նորագույն iPhone 11, iPhone 11 Pro եւ iPhone 11 Pro Max մոդելների նախավաճառքը
Նախավաճառքի ընթացքում գնորդները հնարավորություն կունենան առցանց ընտրել եւ նախապես վճարել նախընտրելի մոդելի ամբողջական արժեքը՝ հնարավորություն…
Beeline ստարտափ ինկուբատորն ընդունում է 5-րդ շրջափուլի հայտերը
Մեր նախորդ երկու շրջափուլերի փորձը ցույց տվեց, որ մեր մասնակից ստարտափներից շատերն իրական ներդրումներ են ստանում բիզնես հրեշտակներից…
Beeline-ը ազատեց ինտերնետը. Այժմ սահմաններ ընդհանրապես չկան
Հայաստանում երկար ընդմիջումից հետո առաջին անգամ բաժանորդներին հասանելի է դարձել շարժական ինտերնետ առանց արագության կամ ծավալի...
Beeline ստարտափ ինկուբատորում ավարտվեց 4-րդ շրջափուլը
Միջոցառման սկզբում ներկաներին ողջունեց Հայաստանում Beeline-ի Գլխավոր տնօրեն Անդրեյ Պյատախինը. «Ուրախ եմ ողջունել ձեզ մեր եզրափակիչ...