Մոսկվայի Դորոգոմիլովսկի դատարանը մերժել է փողոցային մրցարշավների սիրահար Մառա Բաղդասարյանի հայցը պետավտոտեսչության դեմ, որը մերժել էր նրան վարորդական իրավունք տալ, հաղորդում է «ՌԻԱ Նովոստի»-ն։
Բաղդասարյանի փաստաբան Ալեքսեյ Դեմինը հայտարարել է, որ վարորդական իրավունքի տրամադրման մերժումը անօրինական է, քանի որ 2017 թվականին դատարանը կասեցրել էր նրա վարորդական վկայականի գործողությունը առողջական վիճակի պատճառով։
«Իմ պաշտպանյանը դիմել է բժիշկներին, ստացել է հոգեբանների ու նարկոլոգների եզրակացությունը, նա բժշկական եզրակացություն է ստացել։Նրա հետ դիմել ենք պետավտոտեսչություն, բայց նրան անօրինականորեն մերժել են վարորդական վկայական տալ»,-պատմել է նա։
Մառա Բաղդասարյանը վարորդական իրավունքից զրկվել է 2017 թվականին դատարանի որոշմամբ այն հիմքով, որ նա տառապում է էպիլեպսիայով։ Սակայն, դրանից հետո ոստիկանության աշխատակիցները բազմիցս ձերբակալել են նրան ավտոմեքենայի ղեկին լինելու համար։ Նա հայտնի է դարձել Gelandewagen մրցարշավին մասնակցելու համար։
