Հանրապետական խմբակցության պատգամավոր Խոսրով Հարությունյանի կարծիքով արտահերթ խորհրդարանակն ընտրությունների հարցը անհրաժեշտույթուն կդառնա միայն խորհրդարանական ուժերի հարաբերակցության կայունանալու դեպքում։ Այսինքն՝ այս պահին հանրային աջակցությունը խորհրդարանական փոքրամասնության օգտին է, մինչդեռ ամիսներ անց կարող է բոլորովին այլ պատկեր լինել։
«Արտահերթ ընտրությունների մասին խոսելը վաղ է։ Որպես կանոն արտահերթ ընտրությունների անցկացման անհրաժեշտություն առաջանում է, երբ իրական ուժերի հարաբերակցությունը էապես տարբերվում է այն հարաբերակցությունից, որն արտահայտված է խորհրդարանում։ Այսօր մենք այդ իրավիճակն ունենք։ Խորհրդարանական փոքր ֆրակցիան անահամեմատ ավելի մեծ հանրային աջակցություն ունի, քան իրականում ուներ, բայց որպես կանոն արտահերթ խորհրդարանական ընտրություն անցկացվում է, երբ ուժերի հարաբերակցությունը կայունանում է։ Էնպես չի, որ այսօրվա հարաբերակցությունը վաղը մյուս օրը նույն է մնալու, հետւաբար որոշ ժամանակ անց, երբ կրքերը կհանդարտվեն ու իրական հարաբերակցությունը կձեւավորվի հանրային աջակցության տեսանկյունից, այդ ժամանակ ռեալ հնարավարություն կլինի խոսել այդ մասին»,–մանրամասնեց Խոսրով Հարությունյանը։
Վերջինս հիշեցրեց 2013 թվականի իրավիճակը, երբ «Ժառանգություն» կուսակցությունը փետրվարին նախագահական ընտրություններին ստացավ 540 հազար ձայն, սակայն երկու ամիս անց՝ Երեւանի ավագանու ընտրություններում մի կերպ հաղթահարեց անցողիկ շեմը։
«Բնական է, որեւէ մեկի համար գաղտնիք չէ, որ Հանրապետկանի ռեյտինգը ցածր է։ Այս ուժերի հարաբերակցությունը ժամանակի ընթացքում պետք է կայունանա, ժամանակը դա ցույց կտա»։