Թեխասի Սանտա Ֆե քաղաքի դպրոցներից մեկում իրականացված հրաձգության հետեւանքով զոհվածների թիվը կարող է հասնել 10-ի: Այս մասին հաղորդել է շրջանի ոստիկանության ղեկավար Հարիս Էդ Գոնսալեսը, գրում է ՌԻԱ Նովոստին:
«Կասկածյալներից մեկը հսկողության տակ է, հետաքննության համար հետաքրքրություն ներկայացնող եւս մեկ անձ ձերբակալվել է, նրան հարցաքննում են: Զոհվածների թիվը կարող է 8-10 լինել՝ ներառյալ դպրոցի աշակերտներն ու աշխատողները»,- լրագրողներին ասել է շերիֆը:
Գոնսալեսի խոսքով՝ ձերբակալվածները, ենթադրաբար, դպրոցի աշակերտներից են: Տեղի հիվանդանոցի ներկայացուցչի տեղեկացմամբ էլ՝ ներկայում 3 վիրավոր ստացիոնար բուժում է ստանում, նրանցից մեկի վիճակը ծայրահեղ ծանր է:
